Dangote da IPMAN Sun Cimma Matsaya Kai Tsaye akan Man Fetur
- Katsina City News
- 12 Nov, 2024
- 79
Katsina Times
Dangote Petroleum Refinery da Ƙungiyar ‘Yan Kasuwar Man Fetur ta Najeriya (IPMAN) sun cimma yarjejeniya kan samar da man fetur (PMS) da man dizil ga 'yan kasuwa. Shugaban IPMAN na ƙasa, Abubakar Garima Maigandi, ya bayyana hakan a ranar Litinin bayan taron kwamitin aiki na ƙasa na ƙungiyar a Abuja.
A ranar 29 ga Oktoba, Aliko Dangote, wanda ya kafa Dangote Industries Limited (DIL), ya bayyana cewa matatar man Dangote tana da sama da lita biliyan 500 na man fetur, amma masu sayar da man ba sa saya.
A martaninsa, IPMAN ta bayyana cewa membobinsu sun kasa samun man fetur daga matatar Dangote na tsawon kwanaki. Maigandi ya kuma bayyana cewa kungiyar ta biya Naira biliyan 40 ga Kamfanin Man Fetur na Najeriya (NNPC) amma ba ta samu kayan ba, inda matatar Dangote ke cewa ba ta karɓi kuɗin daga IPMAN ba don samfurin da aka tace.
Game da yarjejeniyar sabuwa, Maigandi ya ce hadin gwiwar zai samar da man fetur mai rahusa a duk fadin Najeriya. Ya ce, “Bayan ganawa da Aliko Dangote da ƙungiyarsa a Legas, mun yi farin cikin sanar da cewa matatar Dangote za ta kai kai tsaye ga rumbunan IPMAN.”
Maigandi ya yi kira ga membobin IPMAN da su goyi bayan matatar, yana cewa hakan zai taimaka wajen samar da ayyukan yi da kuma tallafawa manufofin shugaban kasa Bola Tinubu.
Dangane da farashin, ya nuna tabbacin cewa tattaunawa da Dangote zai saukaka farashin mai. Hakanan, ya bayyana cewa IPMAN na shirye-shiryen canjin sauki zuwa CNG a duk fadin kasar tare da kira ga gwamnati da sauran masu ruwa da tsaki su yi hadin kai domin ci gaban Najeriya.
Search
Category
Tags
Social Media
