Shugaban KASSAROTA Ya Kai Ziyar Ta'aziyyar Rasuwar Mahaifin Dan Majalisar Kurfi
- Katsina City News
- 27 Jan, 2025
- 78
A ranar Litinin, 27 ga Janairu, 2025, Shugaban Hukumar KASSAROTA, Maigirma Major Garba Yahya Rimi (Rtd), Tafidan Kauran Katsina, ya jagoranci tawagar hukumar zuwa gaisuwar ta’aziyyar rasuwar Mahaifin Dan Majalisar Jiha mai wakiltar Karamar Hukumar Kurfi, Hon. Zaharaddeen Usman.
Ziyarar ta gudana ne a Sabon Garin Rawayau, inda shugabancin KASSAROTA da tawagar management ɗin hukumar baki ɗaya suka jajanta bisa wannan babban rashi da iyalan marigayin suka yi. Shugaban hukumar ya yi addu’o’i na musamman ga iyalan, yana mai fatan Allah ya jiƙan mamacin da rahama.
A sanarwar da Kakakin Hukumar Abubakar Marwana Kofar Sauri ya sanya wa hannu ya bayyana ziyarar ta'aziyyar a matsayin alamar jajircewar KASSAROTA wajen nuna goyon baya da tausayi ga al’umma, musamman ma’aikatan hukumar da sauran al'umma.
Search
Category
Tags
Social Media
