TAKADDAMA KAN HAƘƘOƘIN MALAMAI: ASUP TA FARA YAJIN AIKIN GARGAƊI A HUKPoly

‎‎Daga Sulaiman Ciroma @Katsina Times‎Ƙungiyar ta ce ta ɗauki matakin ne bayan tattaunawa da dama da hukumomin gwamnati ba su haifar da sakamakon da ake buƙata ba.‎Ƙungiyar Malaman Kwalejojin Kimiyya da…

Sulaiman Umar November 16, 2026  ·  12:00 AM
| 28 Views
TAKADDAMA KAN HAƘƘOƘIN MALAMAI: ASUP TA FARA YAJIN AIKIN GARGAƊI A HUKPoly
TAKADDAMA KAN HAƘƘOƘIN MALAMAI: ASUP TA FARA YAJIN AIKIN GARGAƊI A HUKPoly

‎‎Daga Sulaiman Ciroma 

@Katsina Times

‎Ƙungiyar ta ce ta ɗauki matakin ne bayan tattaunawa da dama da hukumomin gwamnati ba su haifar da sakamakon da ake buƙata ba.

‎Ƙungiyar Malaman Kwalejojin Kimiyya da Fasaha ta Ƙasa (ASUP), reshen Kwalejin Kimiyya da Fasaha ta Hassan Usman Katsina (HUKPoly), ta fara yajin aikin gargaɗi sakamakon abin da ta bayyana a matsayin gazawar hukumomin da abin ya shafa wajen aiwatar da yarjejeniyoyin da suka shafi walwalar malamai.

‎Ƙungiyar ta fara wannan mataki ne a ranar Litinin, 16 ga Nuwamba, 2026, tana mai neman a aiwatar da tsarin Consolidated Academic Tools Allowance (CATA), tare da biyan sauran haƙƙoƙin da suka rage ƙarƙashin yarjejeniyar alawus-alawus na ayyukan ilimi ta shekarar 2026 (Earned Academic Allowances – EAA).

‎Shawarar fara yajin aikin ta fito ne daga wani taron musamman na mambobin ƙungiyar da aka gudanar a ranar Litinin, inda aka gabatar da ƙuduri daga kwamitin shugabannin ƙungiyar, wanda daga bisani mambobin suka amince da shi.

Advertisement

NRS Gateway

‎Shugaban ƙungiyar ta ASUP a HUKPoly, Comrade Muhammad Nasiru Gidado, ya bayyana cewa matakin ya biyo bayan jerin tarurruka da shawarwari da aka gudanar tsakanin ƙungiyar da wakilan gwamnati da sauran hukumomin da abin ya shafa, amma ba a cimma matsayar da za ta warware matsalolin ba.

‎Ya kuma bayyana cewa ƙungiyar ta sha yin ƙoƙarin ganin an warware matsalolin ta hanyar tattaunawa, ciki har da kiran da ta yi a taronta na 118, amma duk da haka hukumomin da abin ya shafa ba su cika buƙatun da aka gabatar musu ba.

‎A cewar ƙungiyar, ƙarewar wa'adin da ta bai wa hukumomin domin su magance matsalolin ba tare da samun gamsasshen mataki ba, ya sa ta yanke shawarar fara yajin aikin gargaɗi.

‎Daga cikin manyan buƙatun ƙungiyar akwai fara aiwatar da tsarin CATA, biyan sauran haƙƙoƙin malaman da ke ƙarƙashin yarjejeniyar EAA ta shekarar 2026, da kuma warware wasu buƙatu da suka shafi walwala da haƙƙoƙin ma'aikata.

‎ASUP ta bayyana cewa wannan mataki wani yunƙuri ne na matsa lamba ga hukumomin da abin ya shafa domin su gaggauta ɗaukar matakan da suka dace wajen cika yarjejeniyoyin da kuma magance matsalolin da ke damun mambobinta.

‎Yajin aikin dai na ƙara jawo hankali kan batun aiwatar da yarjejeniyoyin da suka shafi malaman manyan makarantu, musamman dangane da biyan alawus-alawus da sauran haƙƙoƙin ma'aikata.

Written by

Sulaiman Umar

Sulaiman Umar is an editor and reporter with extensive experience in economic journalism, analyzing financial and agricultural developments in Northern Nigeria.

Comments (0)

No comments yet. Be the first to share your thoughts!

Leave a Comment

What is 4 + 1?